اس اصول کو سکھانے سے پہلے بچے کو 7 پروناؤنز یعنی ضمائر سکھا دیں۔ تاکہ اسکے لئے فقرہ بنانا آسان ہو۔ ان ضمائر میں سے کچھ کے ساتھ یہ سٹرکچر استعمال ہوگا جبکہ باقیوں کے ساتھ نہیں ہوگا۔باقی فقرات کی جانب جانے سے پہلے ایک ابہام دور کرنا چاہوں گا۔ لفظ ‘ہم’ دو طرح کا ہوتا ہے۔ ایک وہ جس میں ہم تمام لوگ شامل ہوتے ہیں۔ اور ایک وہ جس میں سامنے والا گروہ شامل نہیں ہوتا۔ مثلا آپ ایک کمرے میں بیٹھے ہیں اور آپکے سامنے ہمسائیوں کا ایک گروہ کسی کام کیلئے آیا۔ اچانک نماز کا وقت ہوگیا تو آپ کہیں گے آؤ سب نماز پڑھنے چلیں۔ یعنی تمام لوگ شامل ہیں۔ جبکہ اگر آپ نے کوئی فیصلہ لینا ہے جس میں ہمسائیوں کو شامل نہیں کرنا تو آپ یہ بات اس طرح کہیں گے۔ ‘ہمیں اس پرسوچنے دیں’ یا اس معاملے کو ہمیں ہی حل کرنے دیں۔ یعنی ہمسائے اس معاملے میں شریک نہیں۔ جبکہ نماز والے معاملے میں سب مجموعی طور پر شامل تھے۔ اب نیچے مثالیں دیکھیں۔