جیسا کہ اوپر بتایا کہ زبان اسکل ہے تو ہم پہلے کچھ اسکلز کا مشاہدہ کرتے ہیں۔ ورزش کرنا بھی ایک اسکل ہے جس میں خاص طریقوں سے وزن اٹھایا جاتا ہے۔ اگر آپ جم چلے جائیں اور آپکا کوچ آپکو ایک گھنٹے کا لیکچر دے اور ہر طریقہ ورزش بتائے اور پھر خود ورزش کرتا رہے وزن اٹھا اٹھا کر تو آپ کہیں گے “واہ بہت اچھی کلاس تھی” ہمارا کوچ بہت طاقت ور ہے۔ اسی طرح جب آپ ایک انگلش کورس میں داخلہ لیتے ہیں تو استاد فر فر انگلش بول کر آپکو متاثر کرتے ہیں روزانہ کی بنیاد پر۔ حتیٰ کہ بنیادی کانسیپٹس بھی انگریزی میں سمجھاتے ہیں۔ اور آپکو لگ رہا ہوتا کہ 3 ماہ کے کورس کے بعد آپ اسی طرح ٹرین ہو جائیں گے جیسے جم میں ٹرین ہوئے۔ ایسا نہیں ہوگا۔ اگر ایسا ممکن ہوتا تو ایک بچہ 10 سال سکول میں گزارتا ہے لیکن پھر بھی ایک فقرہ بولنے اور لکھنے کے قابل نہیں ہوتا۔ یہ سب بچوں کی بات نہیں ہو رہی، لیکن زیادہ تر کا یہی حال ہے۔ وجہ صرف یہی ہے کہ انگریزی ایک اسکل تھی لیکن اسے بطورِ مضمون پڑھایا گیا جیسے کسی پی ایچ ڈی کے بندے کو علم دیا جاتا ہے لسانیات کا۔ بچے کو علم کی ضرورت نہیں ، اسکو ابھی زبان سیکھنے کی ضرورت ہے۔

جو کہ صرف سرگرمیوں کے ذریعے سکھائی جا سکتی ہے۔ مثال کے طور پر استاد 1 گھنٹۃ انگریزی میں ان سے سوالات کرے ہفتے میں ایک مرتبہ۔ پھر سٹرکچر جو بھی سکھایا جائے اسکے استعمال پر زیادہ توجہ دی جائے۔ یعنی پریزینٹ سمپل ٹینس کا استعمال روز مرہ کی دوہرائے جانے والے کاموں کیلئے ہوتا۔ یا پھر “زمانہ جاری” پڑھاتے وقت بچوں کو کہیں کہ آپ جنگل میں ہیں اب بتائیں کونسا جانور کیا کر رہا۔ بچے کی زبان سے فقرات خود نکلیں گے۔

یاد رکھیں جب آپ اردو فقرات دیتے ہیں وہ بچے کی زبان پیدا کرنے کی صلاحیت چھین کر صرف ترجمہ کرنے کی صلاحیت پالش کرتے ہیں۔ ترجمہ کرنا ایک الگ سے سب اسکل سمجھی جاتی ہے۔ جیسے پڑھ کر سمجھنا ایک اسکل ہے اور بہت سے لوگ کہتے ہمیں سمجھ آجاتی ہے لکھا کیا ہوا لیکن خود نہیں لکھا جاتا۔ بعض اوقات سب اسکلز ہوتی ہیں لیکن بنیادی اسکل نہیں ہوتی۔

میں اپنی ویب سائٹ پر سرگرمیوں پر مشتمل مواد اپ لوڈ کرتا رہتا ہوں آپ لازمی ویب سائٹ کو وِزٹ کریں۔